پۆلیسی سلێمانی باندێكی دزیكردن دەستگیر دەکات

ئاڤا نیوز

مەفرەزەیەکی نەهێشتنی تاوانی پۆلیسی سیتەک لە سلێمانی پێنج کەسی بەتۆمەتی دزیکردن دەستگیر کرد.

چیرۆکی سەرەکی: چەند هاونیشتمانییەک لە سنووری ناحیەی سیتەک دزییان لێ کراوە و سکاڵایان تۆمارکردووە، دوای بەدواداچوون دەرکەوتووە، ئەوانەی دزییەکان دەکەن لە شێوەی باندن.

ڕاگەیێنراوی فەرمی: پۆلیسی سلێمانی ڕایگەیاندووە: "پێنج کەس بەوتۆمەتە دەستگیرکراون و دانیان بەوەدا ناوە 20 تاوانی دزییان لە ناحیەی سیتەک و سلێمانی ئەنجامداوە".

ئەوەی پێویستە بیزانیت: پۆلیسی سلێمانی ناو و تەمەنی تۆمەتبارانی ئاشكرا کردووە، (م، خ، ر) تەمەن 30 ساڵ، (م، ی، ح) تەمەن 24 ساڵ، (ه،ع،ع) تەمەن 25 ساڵ، (م، ج،ع) تەمەن 41 ساڵ، (ش،ع،ك) تەمەن 30 ساڵ، لەگەڵ دەستگیرکردنیان ئۆتۆمبێلێکیش دەستی بەسەردا گیراوە.