مشعان جبوری: نزیکبووینەتەوە لە هەڵبژاردنی سەرۆکێکی نوێی پەرلەمان

ئاڤا نیوز 

پەرلەمانتارێکی دیاری سوننەکان دەڵێت، لە ماوەیەکی نزیکدا پەرلەمانی عێراق کۆدەبێتەوە و سەرۆکێکی نوێی پەرلەمان هەڵدەبژێرێت.

وێنە گەورەکە: مشعان جبوری لە بەغدا پێشوازیی لە مەحموود مەشهەدانی، سەرۆکی پێشووتری پەرلەمان و بەربژێری شوێنگرەوەی حەلبووسی کرد و پرسی سەرۆکایەتیی پەرلەمانیان گفتوگۆ کرد کە ماوەی نۆ مانگە ئەو پۆستە چۆڵە.

ڕاگەیێنراوی فەرمی: مشعان جبوری، پەرلەمانتاری عێراق لە تۆڕی "ئێكس " نوسیویەتی: مەحموود مەشهەدانی ئامادەیی خۆی بۆ کشانەوەی لە ڕکابەریی خۆ بەربژێرکردن بۆ پۆستی سەرۆکایەتی پەرلەمان پیشاندا ئەگەر بەربژێرێک پێشکەش بکرێت جێی ڕەزامەندیی زۆرینەی لایەنە سوننەکان بێت و چوارچێوەی هەماهەنگیش دژی نەبێت، نزیکبووینەتەوە لە هەڵبژاردنی سەرۆکێکی نوێی پەرلەمان.

لە لایەکی دیکەوە: مەحموود مەشهەدانی لەبارەی بڕیاری کشانەوەی لە ڕکابەرییەکە ڕایگەیاند: ئێمە پشتگیری لە بڕیاری 55 پەرلەمانتارەکەی سوننە و پەسەندکردنی چوارچێوەی هەماهەنگی دەکەین.