وادەی کۆبوونەوەی ئەنجوومەنی پارێزگای نەینەوا هێشتا دیارنییە

ئاڤا نیوز 

لە دوای دابەشکردنی پۆستە ئیدارییەکانی پارێزگای نەینەوا و ناڕەزایەتی بەشێک لە لایەنەکان لەوانەش پارتی، تاوەکو ئێستا هیچ وادەیەک بۆ کۆبوونەوەی ئەنجوومەنی پارێزگای نەینەوا دیاری نەکراوە.

وێنە گەورەکە: زیاتر لە مانگێک بەسەر دوا کۆبوونەوەی ئەنجوومەنی پارێزگای نەینەوا تێدەپەڕێت، یەکێتی و چەند لایەنێك پۆستەکانیان لەنێوان خۆیاندا دابەشکردووە و فراکسیۆنی نەینەوا لیئەهلیها و پارتی دژ بەو هەوڵە بایکۆتی دانیشتنەکانیان کردووە.

لێدوانی فەرمی: ئەحمەد کیکی، ئەندامی ئەنجوومەنی پارێزگای نەینەوا بە ئاڤا نیوزی گوت: تاوەکو ئێستا هیچ وادەیەک نییە بۆ کۆبوونەوەی ئەنجوومەنەکە و هیچ نزیکبوونەوەی نێوان لایەنەکان نییە بۆ گەیشتن بە ڕێککەوتن.

زانیاریی زیاتر: "بڕیاری گۆڕینی پۆستە ئیدارییەکان کە پێشتر ئەنجوومەنەکە دەریکردبوو لە لایەن پارێزگاری نەینەوا ڕەتکرایەوە و هێشتا دادگە بڕیاری خۆی لەمبارەیەوە نەداوە". ئەحمەد کیکی وای گوت.

ئەوەی پێویستە بیزانیت: لە سەرەتای مانگی تەمموزی ڕابردوو لایەنەکانی سەربە حەشدی شەعبی و یەكێتی كە  16 کورسییان هەیە، دانیشتنێکیان کرد و بەشێکی زۆری پۆستەکانی قەزا و ناحیەکانیان دابەشکرد.