عێراق لیژنەیەک بۆ گەڕاندنەوەی ئاوارەکان پێکدەهێنێت

ئاڤا نیوز

وەزارەتی کۆچ و کۆچبەرانی عێراق لەگەڵ وەزارەتەکانی پەروەردە و تەندروستی لیژنەی هاوبەشیان بۆ پێشکەشکردنی خزمەتگوزاری و ئاسانکاری بۆ گەڕانەوەی ئاوارەکان بۆ ناوچەکانیان پێکهێناوە.

 

لێدوانی فەرمی: عەلی عەباس، گوتەبێژی وەزارەتی کۆچ و کۆچبەرانی عێراق ڕایگەیاند: وەزارەتەکە هەماهەنگی لەگەڵ وەزارەتەکانی تەندروستی و پەروەردە و دامەزراوەکانی دیکەدا کردووە، بۆ پێکهێنانی لیژنەی هاوبەش و پێشکەشکردنی خزمەتگوزارییە پێویستەکان لەو ناوچانەی ئاوارەکان بۆی دەگەڕێنەوە.
 

باکگراوند: 24 کەمپی ئاوارەکان لە هەرێمی کوردستان هەیە، بەپێی دوایین ئامار نزیکە 35 بۆ 37 هەزار خێزانی ئاوارە لە کەمپەکان دەژین. حکومەتی عێراق بڕیاری داوە تاوەکو 30 تەمموزی ئەمساڵ سەرجەم کەمپەکان لە هەرێمی کوردستان دابخات.