وەزیری دارایی عێراق: پارەی نەختینەمان کەمە

ئاڤا نیوز 

لە کۆبوونەوەی ئەمڕۆی وەزیری دارایی لەگەڵ لیژنەی دارایی پەرلەمان، تەیف سامی ئاشکرای کرد پارەی نەختینەیان کەمە و هەوڵ دەدەن چارەسەری بکەن.

وێنە گەورەکە: ئەمڕۆ لیژنەی دارایی پەرلەمانی عێراق لەگەڵ هەر یەکە لە تەیف سامی وەزیری دارایی عێراق، حەییان عەبدولغەنی وەزیری نەوت، محەممەد تەمیمی وەزیری پلاندانان و عەلی عەللاق پارێزگاری بانکی ناوەندیی لەبارەی مووچە و چەندین پرسی دیکە کۆبووەوە.

لێدوانی فەرمی: جەمال کۆچەر، ئەندامی لیژنەی دارایی پەرلەمانی عێراق بە ئاڤا نیوزی گوت: لە کۆبوونەوەکە وەزیری دارایی ئاماژەی بەوەدا کەوا پارەی نەختینەیی بۆ دابەشکردنی مووچەی فەرمانبەران کەمە و لە هەوڵی چارەسەرکردنیدان.

لە لایەكی دیكەوە: خەلیل دۆسکی، ئەندامی لیژنەی دارایی و یەکێک لە ئامادەبووانی کۆبوونەوەکە بە ئاڤا نیوزی گوت: وەزیری دارایی هۆکاری کەمیی پارەی نەختینەیە بۆ کەمبوونەوەی داهاتی ناوخۆ گەڕاندەوە کە کاریگەریی کردووەتە سەر قەبارەی نەختینەیی لە وڵاتدا.