دامەزراوەی فیتچ: ئابووریی ئیسرائیل ڕوو لە داکشانێکی خێرایە

ئاڤا نیوز 

 

بەهۆی جەنگەکەی لەگەڵ حەماس لە غەززە، ئابووریی ئیسرائیل تا دێت ڕووی لە داکشانە. 

 

زانیاری بەدەستهاتوو: دامەزراوەی فیتچ بۆ پلەبەندی ئابووری ڕایگەیاندووە، ئیسرائیل لە پلەبەندی ئابووری A+ دابەزیووە بۆ A هاوکات گەشەی کۆی بەرهەمی ناوخۆیی ئیسرائیل بەڕێژەی 19٪ دابەزیووە، لەو ڕێژەیەش 5٪ـی داکەوتنەکە لە مانگی 10 تاوەکو 12ی ساڵی رابردوو بووە.

 

زانیاری زیاتر: بەپێی ڕاپۆرتەکەی فیتچ کورتهێنانی بودجە گەیشتووەتە 8.1٪ و خەرجی حکومی  33٪ زیادکردووە، ڕێژەی قەرزەکان بۆ کۆی بەرهەمی ناوخۆ 70٪ـی تێپەڕاندووە، لە بەرامبەردا خەرجی سەربازیش 1.5٪ زیادی کردووە.

 

ئەوەی پێویستە بیزانیت: بە گوێرەی خەمڵاندنەکانی بانکی ناوەندی ئیسرائیل، تێچووی جەنگ گەیشتووەتە 66 ملیار دۆلار، کەرتی گەشتیاریی ئەو وڵاتەش 67 ملیار دۆلار زیانی بەرکەوتووە.

 

باکگراوند: لە 7ی ئۆکتۆبەری 2023 سەدان چەکداری حەماس هێرشیان بۆسەر کۆمەڵگەیەکی جوونشین و شوێنێکی فێستیڤاڵی موزیک ئەنجامدا، سەدان کەسیان کوشت و سەدانی دیکەیان وەک بارمتە گواستەوە کەرتی غەززە.