ژمارەی کورسیی پێشبینیکراوی لایەنەکان بۆ خولی داهاتووی پەرلەمانی کوردستان

ئاڤا نیوز 

 

ڕێکخراوی پاسەوان بۆ توێژینەوەی سیاسەتە گشتییەکان، بەپشتبەستن بە ڕاپرسییەک ئاماری پێشبینیکراوی پارت و بەربژێران لە هەڵبژاردنی داهاتووی پەرلەمانی کوردستان بڵاودەکاتەوە، بەپێی داتاکان پارتی بە بەدەستهێنانی نزیکەی 42 کورسی لە یەکەم و یەکێتی بە بەدەستهێنانی 20 کورسی لە دووەم  دەبێت.  

 

وێنە گەورەکە: بڕیارە 20-10-2024 هەڵبژاردنی خولی شەشەمی پەرلەمانی کوردستان بکرێت و نزیکەی 130 لیست و هاوپەیمانیی و بەربژێری سەربەخۆ بەشداری دەکەن و کێبڕکێ لەسەر بەدەستهێنانی زۆرترین کورسی پەرلەمان دەکەن.

 

ژمارەکان وا دەڵێن: کـۆى گشتیى دەنگدەران سێ ملیـۆن و 789 هەزار و 390 کەسە، کۆى گشتی ئەوانەشى کارتی بایۆمەترییان دەرکردووە و مافى دەنگدانیان هەیە: دوو ملیۆن و 901 هەزار و 80کەسن، ڕێژەى گشتیى ئەوانەى مافى دەنگدانیان هەیە 76.5%، بەپێی دەرئەنجامی ڕاپۆرتە شیکارییەکە ئەگەر ڕێژەی بەشداریکردنی هاونیشتمانییان لە هەڵبژاردندا 60% بێت، ئەوا کورسیی پێشبینیکراوی لایەنەکان لەهەر چوار بازنەکەی هەڵبژاردن بەمشێوەیە دەبێت:

- پارتی دیموکراتی کوردستان (38 بۆ 42) کورسی
- یەکێتیی نیشتمانیی کوردستان (15 بۆ 20)کورسی
- جوڵانەوەی نەوەی نوێ (14 بۆ 18) کورسی
- یەکگرتووی ئیسلامیی کوردستان (5 بۆ 6) کورسی
- کۆمەڵی دادگەریی کوردستان (4) کورسی
- بزووتنەوەی گۆڕان (2 بۆ 3) کورسی

 

ئەوەی پێویستە بیزانیت: ڕاپۆرتەکە شیکاری و بەراوردکارییە لەسەر بنەمای ئەنجامی هەڵبژاردنەکانی ڕابردووی پەرلەمانی کوردستان لە ساڵی 2018 و ئەنجوومەنی نوێنەرانی عێراق 2021ـە.