ئەفریقا بەهۆی خێرا بڵاوبوونەوەی ئاوڵەی مەیموون باری لەناکاوی ڕاگەیاند

ئاڤا نیوز 

ناوەندی کۆنتڕۆڵ و پاراستن لە ئەفریقا ( CDC) بەهۆی خێرا بڵاوبونەوەی ئاوڵەی مەیموون، باری لەناکاوی تەندروستی ڕاگەیاند.

 
وێنە گەورەکە: لەسەرەتای ئەمساڵەوە ڤایرۆسی ئاوڵەی مەیموون بەشێوەیەکی خێرا لە ئەفریقا بڵاوبووەوە، زیاتر لە 15هەزار حاڵەتی توشبوون بە ئاوەڵەی مەیمون لە ئەفریقا تۆمارکراوە، کە لە نێویاندا چوارسەد و پەنجا حاڵەتی مردن هەبووە.

چیرۆکی سەرەکی: 13-8-2024 سەنتەری ئەفریقا بۆ کۆنتڕۆڵکردن و ڕێگریكردن لە نەخۆشییەکانی ئەفریقا، بەهۆی بڵاوبوونەوەی خێرای ڤایرۆسی ئاوڵەی مەیموون لەسەرانسەری کیشوەرەکە باری لەناکاوی تەندروستی ڕاگەیاند.

ئەوەی پێویستە بیزانیت: ڤایرۆسی ئاوڵەی مەیموون بەهۆی گازگرتن و چڕنووك گرتنی ئاژەڵێكی تووشبوو دەگوێزرێتەوە بۆ ئاژەڵی دیكە و لەویشەوە بۆ مرۆڤ، یان لەڕێگەی تێكەڵبوون بەهۆی هەڵمژینی هەناسەی کەسی تووشبوو و بەكارهێنانی كەلوپەلەکانیان.

کاریگەری و لێکەوتەکان: ڤایرۆسی ئاوڵەی مەیموون دەبێتە هۆی تا، سەرئێشە، هەستکردن بەهیلاکبوون و هەوکردنی گرێ لیمفاوییەکان، دواتر دەرکەوتنی شێوە زیپکەی بچوک لەسەر دەموچاو و بڵاوبوونەوەی بەهەموو لەشدا.