وەقفی سوننی گرێبەستی هاوسەرگیری لە دەرەوەی دادگەکان قەدەغە دەکات

ئاڤا نیوز

دیوانی وەقفی سوننی لەپارێزگای نەینەوا، داوا لەسەرجەم پیاوانی ئایینی پارێزگاکە دەکات بەهیچ شێوەیەک گرێبەستی هاوسەرگیری لەدەرەوەی دادگەکان ئەنجام نەدەن.

بۆچی گرنگه‌:گرێبەستی هاوسەرگیری لەدەرەوەی دادگەکان و لەڕێی پیاوانی ئایینی لەعێراق لەهەڵکشاندایە، دیارترین هۆکارەکانیشی پەیوەندی بەباری ئابووری وڵات و هاوسەرگیری دووەمی پیاوانەوە هەیە.

لێدوانی فەرمی: ئەحمەد عەبادی، شارەزای یاسایی بەئاڤا نیوزی گوت: دۆسیەی هاوسەرگیری لە دەرەوەی دادگەکان، زیاتر لەنێو خوێندکارانی زانکۆ و کەسانێک کە گرفتی ئاشکراکردنی هاوسەرگیریان هەیە ئەنجام دەدرێت، بەڵام ئەم کارە سزای یاسایی لێدەکەوێتەوە.

ئەوەی پێویستە بیزانیت: بەپێی یاسای باری کەسێتی هەر کەسێک لەدەرەوەی دادگەکان هاوسەرگیری بکات، سزاکەی لەنێوان 250 – 300 هەزار دینارە، یان بۆ ماوەی شەش مانگ بەشێوەی هەڵپەساردن زیندانی دەكرێت.

وێنەی نووسراوەکە