لە عێراق مووچەی ئەندام پەرلەمانەکان هاوتای وەزیرەکان دەکرێت

ئاڤا نیوز

 

بەگوێرەى بەڵگەنامەیەک، ئەنجوومەنی نوێنەرانی عێراق بڕیاری زیادکردنی مووچە و دەرماڵەی ئەندامەکانی بەڕێژەیەکی زۆر پەسەند کردووە و ئەندام پەرلەمانێکی عێراقیش هەواڵەکە ڕەتدەکاتەوە.

 

به‌ڵگه‌: بەپێی ئەو بەڵگەنامەیەی بڵاوبووەتەوە لە دانیشتنی ژمارە حەوتی ئەنجوومەنی نوێنەرانی عێراق لە حەوتی ئەم مانگەدا، دەنگ لەسەر زیادکردنی مووچە و دەرماڵەی ئەندامانی پەرلەمان دراوە، مووچەکانیان یەکسانکراوە بە مووچە و دەرماڵەی وەزیرەکانی حکومەت.

 

له‌لایه‌كی دیكه‌وه: سیپان شیروانی، پەرلەمانتاری عێراق بە ئاڤا نیوز گوت: ئەو بەڵگەنامەیەی بڵاو بووەتەوە ساختەیە و سەرجەم زانیارییەکان دوورن لەڕاستییەوە، پەرلەمانی عێراق هیچ گفتوگۆیەکی لەسەر ئەم بابەتەوە نەکردووە.