گرووپێکی چەکداری لە نەیجیریا 20 قوتابی دەڕفێنن

ئاڤا نیوز 

پۆلیسی نەیجیریا ڕایگەیاند، گرووپێکی چەکدار لە نەیجیریا 20 قوتابی زانکۆیان ڕفاندووە و تاوەکو ئێستا نەتوانراوە ڕزگار بکرێن.

چیرۆکی سەرەکی: بەپێی قسەی پۆلیسی نەیجیریا ژمارەیەک قوتابی زانکۆ بۆ بەشداریکردن لە کۆنفڕانسێکی پزیشکی گەشتیان کردووە بۆ باشووری ئەو وڵاتە، لە ویلایەتی بینو تووشی بۆسەیەکی چەکداری بوون و 20 قوتابی ڕفێنراون.

لێدوانی فەرمی: کاترین ئەنین، گوتەبێژی پۆلیسی ویلایەتی بینوی نەیجیریا بە میدیاکانی ڕاگەیاند: ڕووداوەکە لەسەر ڕێگای ئۆتوکپۆ لە شاری بینو ڕوویداوە کە شوێنێکە نێوبانگی دەرکردووە بۆ ڕفاندن.

زانیاریی زیاتر: تا ئێستا بکەران و شوێنی ڕفاندنی قوتابیان دیار نییە، پۆلیسی ئەو وڵاتە هیچ ڕوونکردنەوەیەکی لەسەر شوێنیان و هەوڵەکان بۆ ڕزگارکردنیان نەداوە.

ئەوەی پێویستە بیزانیت: دەیان گرووپی چەکداری لەسەر ڕێگا سەرەکیەکانی نەیجیریا  بۆسە بۆ خەڵکی ناوچەکە دادەنێن، دوای ڕفاندنیان بەرامبەر بە پێدانی بڕە پارەیەکی زۆر ئازادیان دەکەن.