دوو ملیۆن زیارەتکاری ئێرانی هاتوونەتە عێراق

ئاڤا نیوز

 

بۆ بەشداریكردن لە ڕێوڕەسمەکانی 'ئەربەعین' دوو ملیۆن زیارەتکاری ئێرانی گەیشتوونەتە عێراق.

 

وێنە گەورەكە: حكومەتی هەرێمی كوردستان و عێراق هەموو ئامادەکارییەکیان بۆ پێشوازیكردن لە زیارەتكارە ئێرانییەكان کردووە، تاوەکو  بە باشترین شێوە و بێ گرفت بەشداری لە ڕێوڕەسمەكانی ئەربەعیندا بكەن و بەردەوام زیارەتکار لە سنوورەكانەوە دێنە ناو خاكی عێراق.

 

لێدوانی فەرمی: وەزارەتی ناوخۆی ئێران ڕایگەیاند:” تائێستا دوو ملیۆن هاووڵاتی لە ئێرانەوە گەیشتوونەتە ناو خاكی عێراق بۆ بەشداریكردن لە ڕێوڕەسمەكانی ئەربەعین”.

 

ئەمەش بزانە: لە سەرتاسەری جیهانەوە شیعەمەزهەبەكان بۆ بەشداریکردن لە یادی ئەربەعین سەردانی نەجەف و كەربەلا لە عێراق دەكەن، كە یادێكی پیرۆز و گرنگە لای شیعەكان.