پڕۆسەی بە ئەلیکترۆنیکردنی پسووڵەی خۆراک ڕاگیراوە

ئاڤا نيوز

بە گوێرەی بەرنامەی وەزارەتی بازرگانيی عێراق، بڕیاربوو لە ماوەی دوو مانگدا پڕۆسەی بە ئەلیکترۆنیکردنی پسووڵەی خۆراک لەسەرجەم پارێزگاكانی عێراق بە هەرێمی کوردستانیشەوە تەواوبێت، بەڵام کۆمپانیای جێبەجێکار کارەکەی ڕاگرتووە.

 

بۆچی گرنگە: ساڵێک زیاترە هەموو مامەڵەکان بۆ بە ئەلیکترۆنیکردنی پسووڵەی خۆراک وەستێنراون، کاریگەری كردووەتە  سەر مامەڵەی هاووڵاتیان لە دامودەزگاکانی حکومەت.

لێدوانی فەرمی: بڕیاربوو تا مانگی شوباتی ئەمساڵ، پڕۆسەکە لە هەولێر تەواوبێت، بەڵام ئەو کۆمپانیا ئەڵمانییەی ئەرکەکەی لە ئەستۆ گرتبوو، ئێستا کارەکانی ڕاگرتووە وەزارەتی بازرگانیی عێراق بەدوای کۆمپانیایەکی جێگرەوە دەگەڕێت.سیامەند قادر نانەکەلی، بەڕێوەبەری پسولەی خۆراکی هەولێر ئەوەی بە ئاڤا نیوز گوت.

ژمارەکان وادەڵێن: لە کۆی 18 پارێزگا تەنیا پێنج پارێزگا لە هەموو عێراق بە ئەلیکترۆنی کراون، کە دهۆک، کەرکووک، نەجەف، کەربەلا و میسانن.

خاڵە ئەرێنییەکان: هاووڵاتی دەتوانێت لە ڕێگەی ئەو کارتەی کە وەریدەگرێتەوە لە ئەپلیکەیشنێکی نێو مۆبایلەکەی مامەڵەی هاوسەرگیریی، منداڵ زیادکردن، گواستنەوەی پسووڵە و گۆڕینی بریکار بکەن.