هەنگاوەکانی دابەشکردنی مووچە خێراتر دەکرێت

ئاڤا نیوز 

بەمەبەستی تەواوکردنی ڕێکارەکانی دابەشکردنی مووچەی فەرمانبەرانی عێراق و هەرێمی کوردستان، وەزارەتی دارایی فیدڕاڵ بڕیاریدا ماوەی کارکردنی فەرمانبەرانی درێژبکاتەوە.

وێنە گەورەکە: لە عێراق دابەشکردنی مووچەی مانگی هەشتی فەرمانبەران دواکەوتووە، تاوەکو ئێستاش مووچەی مانگی حەوت بۆ هەرێمی کوردستان نەنێردراوە.

نووسراوی فەرمی: وەزارەتی دارایی عێراق لە نووسراوێکدا کە بە واژۆی سادق عەباس، بەڕێوەبەری فەرمانگەی کارگێڕی و دارایی وەزارەتەکە دەرچووە، ئاماژەی بەوەشکردووە، لە رۆژی دووشەممەوە دەوامی سەرجەم فەمانبەرانی وەزارەتی دارایی لە کاتژمێر هەشتی بەیانی دەستپێدەکات و تا کاتژمێر سێی دوانیوەڕۆ بەردەوام دەبێت.

ئەوەی پێویستە بیزانیت: پێشتر د.نەبیل مەرسوومی، شارەزای ئابووری بە ئاڤا نیوزی گوتبوو: ئەم مانگە دابەشکردنی مووچە لە عێراق دواکەوتووە، هۆکارەکەشی بۆ کێشەی هونەری لەناو وەزارەتی دارایی دەگەڕێتەوە.