میت: بەرپرسی هەواڵگری پەکەکە لە هەرێمی کوردستان کوژرا

ئاڤا نیوز 

دەزگای هەواڵگری تورکیا کوژرانی بەرپرسێکی هەواڵگری پەکەکەی لە ناوچەی خواکورکی هەرێمی کوردستان ڕاگەیاند، پەكەكەش هەواڵەكەی پشتڕاست نەكردووەتەوە.

ڕاگەیێنراوی فەرمی: دەزگای هەواڵگری تورکیا(میت) ڕایگەیاند، سیما چێڤلیک ناسراو بە زیلان ئەزاک دوای ماوەیەک چاودێری ورد و دەستنیشانکردنی شوێنەکەی لە خواکورک کرایە ئامانج.

زانیاریی زیاتر: بەگوتەی میتی توركیا، سیما جویا چێڤلیک لە ناو پەکەکە ناسراوە بە زیلان ئەزاک لە ساڵی 2015 زانکۆی جێهێشتووە و بووەتە ئەندام لە پەکەکە، لەو ماوەیەدا وەک بەرپرسی هەواڵگری پەکەکە چالاکی کردووە.

بۆچوونی لایەنی بەرامبەر: میدیای نزیک لە پەکەکە هەواڵەکەیان پشتڕاست نەکردووەتەوە.

وێنەی ئەو بەرپرسەی پەکەکە کە تورکیا کوژرانی ڕاگەیاندووە