عێراق داوای دەستگیرکردنی وەزیری پێشووی نەوت لە ئینتەرپوول دەکات

ئاڤا نیوز

 

دەستەی دەستپاکی عێراق لە ڕێگەی پۆلیسی نێودەوڵەتیی ئینتەرپوولەوە، هەوڵەکانی بۆ دەستگیرکردنی وەزیری پێشووی نەوتی فیدراڵ چڕکردووەتەوە.

 

وێنە گەورەکە: مانگی ئابی ساڵی ڕابردوو دادگەی عێراق ئیحسان عەبدولجەبار، وەزیری پێشووی نەوتی بە گەندەڵی و وەرگرتنی بەرتیل لە کۆمپانیاکان بۆ ئەنجامدانی گرێبەستی نەوتی، تۆمەتبار کرد و بەوهۆیەش بڕیاری دا دەستبەسەر سامەنەکەیدا بگیرێت.

 

زانیاریی بەدەستهاتوو: دەستەی دەستپاکی عێراق لەگەڵ پۆلیسی نێودەوڵەتیی ئینتەرپوول هەوڵەکانی چڕکردووەتەوە بۆ ئەوەی شوێنی ئیحسان عەبدولجەبار، وەزیری پێشووی نەوت بدۆزرێتەوە و دەستگیر بکرێت.

 

هۆکارە زانراوەکان: لەپاڵ ئەو تۆمەتانەی دادگەی عێراق ئاراستەی کردوون و 68 دۆسیەی گەندەڵی لەسەر کراوەتەوە، دەستەی دەستپاکیش تۆمەتێکی دیکەی ئاراستە کردووە و بە تێوەگلانی لە دۆسیەی دزیی سەدە (دیارنەمانی 2.5 ملیار دۆلارەکەی بانکی ڕافیدەین) تۆمەتباری کردووە.