ئەمریکا ستراتیژییەتێکی نوێی ئەتۆمی بۆ ڕووبەڕووبوونەوەی چین دەگرێتەبەر

ئاڤا نیوز

جۆ بایدن پلانێکی ستراتیژی نوێی تۆکمەی نهێنی پەسەندکردووە، ئەمەش بە یەکەم ستراتیژی نوێی واشنتن دژی هەوڵەکانی چین بۆ فراوانکردنی چەکە ئەتۆمییەکانی دادەندرێت.

وێنە گەورەکە: ڕۆژنامەی نیویۆرک تایمز بڵاویکردووەتەوە، مانگی ئاداری ڕابردوو جۆ بایدن، سەرۆکی ئەمریکا ڕەشنووسی ستراتیژی ئەتۆمی بە ناوی"ڕێنمایی دامەزراندنی ئەتۆمی" پەسەند کردووە. پێشبینیش دەکرێت بەر لە تەواوبوونی ویلایەتی بایدن، پرۆژەکە بەئاشکرا ڕەوانەی کۆنگرێس بکرێت. 

بابەتی ستراتیژی: لە ترسی هەژموونی چین و فراوانکردنی هێزە ئەتۆمییەکەی، ئەمریکا دەیەوێت بە ستراتیژییەتێکی نوێ کە ئامانجی ڕووبەڕووبوونەوەی چینە پەرە بە هێزی ئەتۆمی بدات. 

بۆچوونی لایەنی بەرامبەر: وەزارەتی دەرەوەی چین بڵاویکردووەتەوە، پەکین نیگەرانە لەو ڕاپۆرتانەی باس لە پلانی نهێنیی ئەتۆمی واشنتن دەکەن کە ئامانجی سەرەکی وڵاتەکەیانە.