شەش کاتژمێرە ئاگر لە چیای زۆزک كەوتووەتەوە

ئاڤا نیوز

ئاگر لە چیای زۆزک سنووری ناحیەی دیانای ئیدارەی سەربەخۆی سۆران كەوتووەتەوە، ماوەی شەش کاتژمێرە نەتوانراوە کۆنتڕۆڵبکرێت و تا دێت ڕووبەرەکەی فراوانتر دەبێت.

 

چیرۆکی سەرەکی: کاتژمێر 3:15 خولەکی ئەمڕۆ چوارشەممە، ئاگرێک لە چیای زۆزک لە سنووری ناحیەی دیانای ئیدارەی سەربەخۆی سۆران کەوتەوە، تاوەکو ئێستا کۆنتڕۆڵنەکراوە.

لێدوانی فەرمی: ڕەوەند هاودیانی، گوتەبێژی بەرگریی شارستانی سۆران بە ئاڤا نیوزی گوت: "50 کارمەند و دوو تیمی پۆلیسی دارستان و ژینگە سەرقاڵی کۆنتڕۆڵکردنی ئاگرەکەن".

زانیاریی زیاتر: "بەهۆی سەختی ڕێگەکەی ناچارن بەدەست هەوڵی کوژاندنەوەی بدەن و تاوەکو ئێستا زیانەکان نەزانراون". ڕەوەند هاودیانی ئەوەشی گوت.