پرۆسەی بەئەلیکترۆنیکردنی پسوولەی خۆراک دەستپێدەکاتەوە

ئاڤا نیوز

دوای ساڵێک و شەش مانگ پڕۆسەی گۆڕینی پسوولەی خۆراک لە پارێزگاکانی  هەولێر، سلێمانی و هەڵەبجە دەستپێدەکاتەوە و کارئاسانی بۆ ڕاییکردنی مامەڵەی هاووڵاتیان دەکات.

وێنە گەورەکە: بەهۆی هەڵوەشاندنەوەی گرێبەستی کۆمپانیاکانی جێبەجێکردنی پسوولەی خۆراک، لەماوەی دوو ساڵدا لە کۆی 19 پارێزگای عێراق و هەرێمی کوردستان تەنیا پێنج پارێزگا بەئەلیکترۆنی کراون، ئەوانیش دهۆک، کەرکووک، نەجەف، کەربەلا و میسانن.

لێدوانی فەرمی: سیامەند قادر، بەڕێوەبەری پسوولەی خۆراکی هەولێر بە ئاڤا نیوزی گوت:"پڕۆژەکە دراوەتە کۆمپانیایەکی عێراقی و بڕیارە سەرەتای مانگی داهاتوو پڕۆسەی بەئەلیکترۆنیکردنی پسوولەی خۆراک دەستپێبکاتەوە".

بۆچی گرنگە: هاووڵاتی دەتوانێت لەڕێگەی ئەو کارتەی کە وەریدەگرێتەوە، لە ئەپلیکەیشنێکی نێو مۆبایلەکەیدا مامەڵەی هاوسەرگیریی، منداڵ زیادکردن، گواستنەوەی پسوولە و گۆڕینی بریکار بکات.