دوو ئەندامی داعش لە کەرکووک دەستگیر دەکرێن

ئاڤا نیوز  

وەزارەتی بەرگریی عێراق، دەستگیرکردنی دوو ئەندامی داعشی لە کەرتی ئۆپەراسیۆنەکانی کەرکوک ڕاگەیاند، یەکێکیان دەستی لە تاوانی سپایکەر دا هەبووە.

ڕاگەیێنراوی فەرمی: بەڕێوەبەرایەتی گشتی هەواڵگری و ئاسایش ڕایگەیاند: لە چوارچێوەی بەردەوامی ئۆپەراسیۆنەکانیان، هێزەکانمان بە هەماهەنگی لەگەڵ بەڕێوەبەرایەتیی هەواڵگریی و ئاسایشی کەرکووک، توانییان دوو ئەندامی داعش دەستگیر بکەن.

زانیاریی زیاتر: بە گوتەی بەڕێوەبەرایەتییەکە، یەکێکیان یەکێک بووە لە سەرکردە سەرەکییەکان و ڕێکخەری گشتی کەرتەکانی بەناو "پارێزگای دیالە"، ئەوی دیکەشیان دەستی هەبوو لە تاوانی سپایکەردا.

باكگراوند: ساڵی 2014 داعش دوای كۆنترۆڵكردنی شاری تكریت، زیاتر لە دوو هەزار سەربازی عێراقی، كە ئەركی پاراستنی كێڵگە نەوتییەكانی بێجییان پێسپێردرابوو و لە بنكەی ئاسمانی سپایكەر دەمانەوە كۆمەڵكوژ كرد.