نۆ كامێراى جێگیر له‌ سنوورى سۆران دادەنرێن

ئاڤا نیوز

گوتەبێژی بەڕێوەبەرایەتیی هاتووچۆی سۆران ئاماژە بەوە دەدات، لە سەرەتای مانگی داهاتوو نۆ کامێرای جێگیر له‌ سنوورى ئیداره‌ى سه‌ربه‌خۆى سۆران داده‌نرێت.

ئەوەی پێویستە بیزانیت: لە سەرەتای مانگی داهاتوو دوو کامێرای جێگیر لە ڕێگەی سۆران – دێلزیان دادەنرێت، یەکێکیان لە ڕێگەی سۆران – مەزنێ، هەروەها سۆران – مێرگەسۆر، کامێرایەک لەسەر ڕێگەی سۆران – چۆمان ئەوەی دیکە لەسەر ڕێگەی سۆران – ڕواندز دەبێت.

 

لێدوانی فەرمی: عەقید موحسین تەحسین، گوتەبێژی بەڕێوەبەرایەتیی هاتووچۆی سۆران، بە ئاڤا نیوزی گوت: "چوار کامێرای خاڵ بۆ خاڵ لە جووتسایدی خەلیفان – سپیلک جێگیر دەکرێت، دوای پشکنین بۆ شەقامەکە شوێنەکە دیاری کراوە."

 

زانیاریی زیاتر: کارئاسانی کراوە بۆ ئەوەی لە ئایندەیەکی نزیک شوفێری بارهەڵگرەکانی سنوورەکە بتوانن مامەڵەی نوێکردنەوەی ساڵنامەکانیان لەبری هەولێر لە سۆران بکەن.