ناتۆ پێنج هەزار سەرباز لە سنووری ڕووسیا جێگیردەکات

ئاڤا نیوز 

لە چەند هەفتەی داهاتوودا، ناتۆ لیوایەکی زرێپۆش کە پێکهاتوون لە پێنج هەزار سەرباز لەناو خاکی فینلاند لە نزیک سنووری ڕووسیا جێگیر دەکات.

وێنە گەورەکە:2024-8-21، ناتۆ بڕیاریدا بە جێگیرکردنی  یەکەیەکی سەربازی لە وڵاتی فیلەندا کە لە پێنج هەزار سەرباز پێکدێت، ئەویش بەشێوەیەکی کاتی و بەهۆی گرژی بارودۆخی ئەمنیی ناوچەکە.  

لێدوانی فەرمی: ئانتی هاکینن، وەزیری بەرگریی فینلەندا ڕایگەیاند: وڵاتەکەی لەگەڵ ژمارەیەک وڵاتی ناتۆ بۆ جێگیرکردنی هێز لە خاکەکەیان دانوستان دەکات، یەکەکانی ناتۆ بۆ ماوەیەکی درێژ لە وڵاتەکەدا جێگیر دەکرێن، بەڵام بە شێوەیەکی هەمیشەیی نییە.

ئەوەی پێویستە بیزانیت: دوای دەستپێکردنی ئۆپەراسیۆنی سەربازی ڕووسیا لە ئۆکراینا لە ساڵی 2022، فینلەندا داوای پەیوەندیکردنی بە ناتۆوە کرد، لە ساڵی 2023 ئەندامێتی لە هاوپەیمانییەکە بەدەستهێنا.