مەندەلاوی: لە هەفتەکانی داهاتوودا یاسای دەرکردنی هێزەکانی ئەمریکا پەسند دەکرێت

ئاڤا نیوز

 

جێگری یەکەمی سەرۆکی ئەنجوومەنی نوێنەرانی عێراق دەڵێت، پەرلەمان رژدە لەسەر جێبەجێکردنی بڕیارەکەی بۆ دەرکردنی هێزە بیانییەکان لە عێراق و لە هەفتەکانی داهاتوودا بە یاسا کۆتایی بەو دۆسیە دەهێنن.

 

چیرۆکی سەرەکی: موحسین مەندەلاوی، جێگری سەرۆکی ئەنجوومەنی نوێنەرانی عێراق لەگەڵ غوڵام حوسێن ئیجەئی، سەرۆکی دەسەڵاتی دادوەری ئێران کۆبووەوە و باسیان لە چەند پرسێکی پەیوەست بە پەیوەندییەکانی نێوان هەردوو وڵات کرد. 

 

لێدوانی فەرمی: موحسین مەندەلاوی گوتی: عێراق وڵاتێکی بەهێزە و پێویستی بە هێزی بیانی نییە پارێزگاری لێبکات. داواشی لە پەرلەمانی وڵاتانی عەرەبی و ئیسلامی کرد یاسا دەربکەن بۆ لێپێچینەوە لە ئیسرائیل و ئەو وڵاتانەی پشتیوانی دەکەن، هەروەها پەیوەندی دروستکردن لەگەڵی بەتاوان بناسێنن.

لەلایەکی دیکەوە: سەرۆکی دەسەڵاتی دادوەری ئێران، ڕۆڵی پەرلەمانی عێراقی لە پەسەندکردنی یاسای بەتاوان ناساندنی دروستکردنی پەیوەندی لەگەڵ ئیسرائیل بەرزنرخاند.