ژینگەی هەولێر لەبارەی پڵنگەكەی چیای سەفین هۆشداری دەدات

ئاڤا نیوز 

 

ژینگەی هەولێر لەبارەی پڵنگەکەی چیای سەفین هۆشداری دەدات لەوەی هەر کەسێک بیەوێت ئازاری پڵنگەکەی چیای سەفین بدات، یان هەر ئاژەڵێکی دیکە بدات سزا دەدرێت.

 

چیرۆکی سەرەکی: ڕۆژی 22-08-2024، پڵنگێک لە چیای سەفین دەرکەوت و ئاڤا ڤیدیۆی پڵنگەکەی بڵاوکردەوە. 

 

زانیاریی بەدەستهاتوو: ئەو پڵنگەی لە چیای سەفین بینراوە پێی دەگوترێت پڵنگی زاگرۆسی و زیاتر لە ناوچە سنوورییەكان هەن.

 

لێدوانی فەرمی: دڵشاد هیرانی، بەرپرسی فەرمانگەی ژینگەی هەولێر بە ئاڤا نیوزی ڕاگەیاند: هەر كەسێک بیەوێت پڵنگەكەی چیای سەفین یاخود هەر ئاژەڵێكی دیكەی كێوی لە هەر دەڤەرێكی هەرێمی كوردستان بە دەردی ورچەكەی باڵەكایەتی بەرێت، بە 20 ملیۆن دینار سزای دارایی دەدرێت.

 

لەلایەكی دیكەوە: بەهێز فارووق، ئەندامی کۆمەڵەی پڵنگانی بەمۆ بە ئاڤا نیوزی ڕاگەیاند: ئەو جۆرە پڵنگە شەرمنە و لە ئاوەدانی دووردەكەوێتەوە و مەترسی بۆ سەر مرۆڤ نییە.