وەزیری كۆچبەرانی عێراق: كەمپەكان لە وادەی خۆیدا دادەخرێن

ئاڤا نیوز

وەزیری كۆچ و كۆچبەرانی عێراق ڕایگەیاند، حكومەت ڕژدە لە جێبەجێكردنی بڕیاری داخستنی كەمپی ئاوارەكان لە وادەی دیاریكراوی خۆیدا.

ڕاگەیێنراوی فەرمی: ئیڤان فائیق، وەزیری كۆچ و كۆچبەرانی عێراق لەگەڵ جێگری نوێنەری تایبەتی سكرتێری نەتەوەیەكگرتووەكان لە عێراق كۆبووەوە، لە كۆبوونەوەكەدا تاوتوێی دۆخی ئاوارەكان و پلانی وەزارەتەكە بۆ داخستنی تەواوەتی كەمپی ئاوارەكان لە 30ـی تەمموزی داهاتوو كراوە.

لێدوانی فەرمی: دەبێت هەموو لایەك پابەندی بڕیارەكەی سەرۆكوەزیرانی عێراق بێت، لەوەی بڕیاری داخستنی كەمپەكان لە وادەی دیاریكراودا بەبێ دواكەوتن جێبەجێ دەكرێت. وەزیری كۆچ و كۆچبەرانی عێراق وا دەڵێت.

باكگراوند: 24 كەمپی ئاوارەكان لە هەرێمی كوردستان هەن و نزیكەی 35 بۆ 37 هەزار خێزانی ئاوارەی تێدایە، بڕیارە تاوەكو 30 تەمموزی ئەمساڵ سەرجەم كەمپەكان دابخرێن.