وەزارەتی دارایی ناوی بنكەكانی تۆماری بایۆمەتری بڵاودەكاتەوە

ئاڤا نیوز  

 

وەزارەتی دارایی و ئابووریی حکومەتی هەرێمی کوردستان، لیستی ناوی بنکەکانی تۆماری بایۆمەتری بڵاودەکاتەوە.

 

وێنە گەورەکە: وەزارەتی دارایی ناو و ناونیشانی ئەو بانکانە بڵاودەکاتەوە کە تۆماری بایۆمەتریی مووچەخۆران تێدا ئەنجام دەدرێت، ئەمەش ئاسانکارییە بۆیان بۆ ئەوەی بە زووترین و کەمترین کات بایۆمەتری ئەنجام بدەن.

 

بڵاوکراوەی فەرمی: وەزارەتی دارایی لەڕێگەی سێ لیستەوە ناوی ئەو بنکانەی بڵاوکردەوە کە تۆماری بایۆمەتری فەرمانبەرانیان تێدا ئەنجام دەدرێت.

 

زانیاریی زیاتر: بەپێی لیستەکانی وەزارەتی دارایی، لە هەولێر 10 بنکە، سلێمانی و هەڵەبجە و گەرمیان و ڕاپەرین 10 بنکە، دهۆک 5 بنکە، کە سەرجەمیان بانکن تەرخان کراون بۆ تۆمارکردنی بایۆمەتریی ئەو مووچەخۆرانەی نەیانکردووە.

 

ئەوەش بزانە: ئەمڕۆ دووشەممە 26-8-2024 وەزارەتەکە داواکارییەکی ئاراستەی خانەنشینان کرد و جەختی کردەوە "هەر کەسێک بایۆمەتری نەکات مووچەکەی ڕادەگیرێت".