شوێنگرەوەی محەممەد حەلبووسی دیاری دەکرێت

ئاڤا نیوز

 

چوارچێوەی هەماهەنگی شیعە ڕایگەیاند، پرسی پڕکردنەوەی پۆستی سەرۆکی پەرلەمان یەکلایی بووەتەوە، مەحموود مەشهەدانی چانسی وەرگرتنی ئەم پۆستەی زیاتر بووە. 

 

وێنە گەورەکە: دوای دوورخستنەوەی محەممەد حەلبووسی لە پۆستی سەرۆکایەتی پەرلەمان، لایەنە سیاسییە سوننەکان تاوەکو ئێستا نەگەیشتوونەتە ڕێککەوتن بۆ دیاریکردنی سەرۆکێکی نوێ و ئێستاش هەوڵەکان بەردوامن بۆ پڕکردنەوەی ئەو پۆستە. 

 

لێدوانی فەرمی: موختار مووسەوی، پەرلەمانتاری عێراق لە چوارچێوەی هەماهەنگی ڕایگەیاند، چانسی مەحموود مەشهەدانی زیاترە بۆ وەرگرتنی پۆستی سەرۆکی پەرلەمان، چونکە چوارچێوەی هەماهەنگی و بەشێکی زۆری لایەنە سوننەکان کۆکن لەسەری. 

 

ئەوەی پێویستە بیزانیت: مەحموود مەشهەدانی، پەرلەمانتار و بەربژێری پۆستی سەرۆکایەتیی پەرلەمان لە ڕۆژی 26ی ئابی 2024دا ڕایگەیاند، زۆربەی لایەنەکان لەسەر بەربژێرکردنی بۆ ئەو پۆستە ڕازی بوونە.