لە نامبیا 83 فیل دەکرێنە قوربانی

ئاڤا نیوز

وشکەساڵییەکی سەخت بەرۆکی وڵاتی نامبیای گرتووەتەوە، حکومەتی وڵاتەکە ناچار بووە سەدان ئاژەڵی کێوی بکاتە قوربانی.

چیرۆکی سەرەکی: بۆ بەهاناوەچوونی ئەو کەسانەی بە دەست برسیێتییەوە دەناڵێنن، حکومەتی نامبیا لە کیشوەری ئەفریقا 723 ئاژەڵی کێوی دەکاتە قوربانی و گۆشتەکەی بەسەر هەژاران دابەش دەکات. ئاژاڵەکانیش بریتین لە، 83 فیل، 60 گامێش، 50 ئاسکی ئیمبالا، 200  ئاسک لە جۆری دیکە و 300 کەری کێوی.

 

وێنە گەورەکە: بە هەماهەنگی لە نێوان حکومەتی نامبیا و راوچی و کۆمپانیای تایبەتمەند، 157 ئاژەڵی کێویان راوکردووە، لەو پرۆسەیەشدا زیاتر لە 56800 کیلۆگرام گۆشتیان دەستکەوتووە. 

 

هۆکارە زانراوەکان: کیشوەری ئەفریقا رووبەڕووی گەورەترین وشەکە ساڵی بووەتەوە کە لە چەندین دەیەی رابردوودا هاوشێوەی نەبووە. بە گوێرەی داتای نەتەوەیەکگرتووەکان 84٪ ی یەدەگی خۆراکی ستراتیژی نامبیا نەماوە، نەبوونی ئاسایشی خۆراک بەرۆکی نیوەی دانیشتووانەکەی گرتووە.

 

راگەیەندراوی فەرمی: وەزارەتی کشتوکاڵی نامبیا بڵاویکردووەتەوە؛ ئێستا دانیشتووانی وڵاتەکە لە جەنگی مان و نەماندان، بۆیە بڕیاریانداوە پڕۆسەی قوربانیکردنی ئاژەڵە کێوییەکان رابگەیەنن. ئەو ئاژەڵانەش دەکرێنە قوربانی کە لە ژینگەیەکدا دەژین خۆراک و ئاوی پێویستی تێدا نەماوە. 

زانیاری زیاتر: بە گوێرەی خەمڵاندنەکان نزیکەی 200 هەزار فیل لە سنووری جوگرافی نیوان پێنج وڵاتی ئەفریقا دەژین، کە بریتین لە زیمبابۆی، زامبیا، بۆتسوانا، ئانگۆلا و نامبیا. کە بە ناوچەی ژیانی فیلەکان لە جیهان دادەندرێت.

 

باکگراوەند: بەهۆی وشکەساڵییەوە ساڵی رابردوو سەدان فیل لە بۆتسوانا و زیمبابۆی گیانیان لەدەستدا.