تەقەکارەکانی دهۆک دەستگیردەکرێن

ئاڤا نیوز

 

چەند کەسێک لەخۆشی ئازادبوونی ئەندامێکی بنەماڵەکەیان لە دهۆک، تەقەی هەڕەمەکییان کردووە و پۆلیس دەستگیری کردوون. 

 

چیرۆکی سەرەکی: ئەمڕۆ چوارشەممە، زیندانییەک دوای هەشت ساڵ بەندکردن، ئازاد کرا و بنەماڵەکەی بۆ دەربڕینی خۆشی، تەقەی هەڕەمەکییان کرد. ئاڤا نیوز ڤیدیۆی ساتی تەقەکردنەکەی بڵاوکردەوە و پۆلیسی دهۆک هاتە سەر خەت و تەقەکارەکانی دەستگیرکرد. 

 

لێدوانی فەرمی: عەقید هێمن سلێمان، گوتەبێژی پۆلیسی دهۆک بە ئاڤا نیوزی گوت: "ئێوارەی ئەمڕۆ لە گەڕەکی بەڕۆشکێی دهۆک، تەقەیەکی زۆری هەڕەمەکی بەمەستی خۆشیدەربڕین، لەلایەن چەند کەسێکەوە کراوە، دوای بەدواداچوونی تیمەکانی پۆلیس، دوو کەسییان دەستگیرکردووە".