سەرۆککۆمار و سەرۆکوەزیرانی عێراق: پێویستە ئەرکی هاوپەیمانان کۆتایی بێت

ئاڤا نیوز

 

سەرۆککۆمار و سەرۆکوەزیرانی عێراق ڕایانگەیاند "پێویستە هاوپەیمانی نێودەوڵەتی ئەرکەکانی لە عێراق کۆتایی پێبێنێت".

 

ڕاگەیێنراوی فەرمی: محەممەد شیاع سوودانی، سەرۆکوەزیرانی عێراق، لەتیف ڕەشید سەرۆککۆماری عێراق کۆبوونەوە، پشتیوانی خۆیان بۆ ڕێوشوێنەکانی حکومەت بۆ کۆتاییهێنان بە بوونی هاوپەیمانی نێودەوڵەتی دووپات کردەوە.

 

"پرسی بوونی هاوپەیمانی نێودەوڵەتی لەسەر خاکی عێراق تاوتوێ کرا و تێیدا پشتیوانی لە ڕێوشوێنەکانی حکومەت لە کۆتاییهێنان بە بوونی هاوپەیمانی و هەنگاونان بۆ پەیوەندیی دووقۆڵی لەگەڵ وڵاتانی ئەندامدا جەختی لەسەر کرایەوە".

 

لەلایەکی دیکەوە: باس لە پەیوەندی نێوان حکومەتی فیدراڵی و حکومەتی هەرێمی کوردستان کرا، لە گرنگیدان بە بەردەوامیی کۆبوونەوە و ڕاوێژکارییەکان بەمەبەستی هەبوونی لێکتێگەیشتن لەنێوانیان بۆ ئەوەی ببێتە چارەسەری ڕیشەیی بۆ کۆمەڵێک فایل و بابەتی هاوبەش لەسەر بنەمای دەستوور و یاسا و بەرژەوەندی وڵات.