هەنگاوەكانی دامەزراندنی 500 كەس لە هەڵەبجە دەستپێدەكات

ئاڤا نیوز

لە پارێزگای هەڵەبجە 918 کەس ئیمەیڵیان پێگەیشتووە بۆ پێداچوونەوەی کۆتایی پێش دامەزراندنیان، لەدوای ئەوەی سەرۆكوەزیران بارزانی بەڵێنی دامەزراندنی 500 كەسی دا.

وێنە گەورەكە: ئەم هەنگاوە دوای بەڵێنی سەرۆکوەزیران بارزانی دێت کە لە سەردانەکەی 22ی شووباتی ئەمساڵدا بۆ هەڵەبجە، بەڵێنی دامەزراندنی 500 کەسی دابوو، لە ئەنجامدا زیاتر لە 11 هەزار کەس فۆڕمی داواکارییان پڕکردەوە.

لێدوانی فەرمی: شاهین حەمەڕەزا پارێزگاری هەڵەبجە بەوەکالەت بەئاڤانیوزی گوت: دوێنێ  شاندێکی ئەنجوومەنی ڕاژە سەردانی پارێزگای هەڵەبجەی کرد بۆ گفتوگۆکردن لەسەر ئەو 918 کەسەی کە بەپێی پێوەرەکان هەڵبژێردراون. هەر یەک لەم کەسانە داوایان لێکراوە زانیارییەکانیان دووبارە بنێرنەوە بۆ پشتڕاستکردنەوەی ناسنامە و نیشتەجێبوونیان لە سنووری پارێزگاکە.

ئەوەی پێویستە بیزانیت: ئەم هەنگاوە یەکێکبوو لەو نۆ داواکارییەی ئیدارەی پارێزگاکە خستیانە بەردەم سەرۆکوەزیران بارزانی و دوای نزیکەی شەش مانگ بەڵێنەکە جێبەجێکرا.

باكگراوند: سنووری پارێزگای هەڵەبجە، شاری هەڵەبجە و ناحیەکانی خورماڵ، بیارە، سیروان و بەمۆ دەگرێتەوە.