لە هەولێر باندێکی نێودەوڵەتی بازرگانی بە ماددەی هۆشبەر دەستگیرکران

ئاڤا نیوز

لە ئۆپەراسیۆنێکی هاوبەشی نێوان هێزە ئەمنییەکانی هەولێر و بەغدا، باندێکی نێودەوڵەتیی بازرگانی بە ماددەی هۆشبەر لە شاری هەولێر دەستگیركران .

وێنە گەورەکە: بەگوێرەی ئامارەکانی وەزارەتی ناوخۆی عێراق، لە حەوت مانگی یەکەمی ئەمساڵدا زیاتر لە هەشت هەزار کەس بە تۆمەتی بازرگانیکردن و مامەڵەکردن بە ماددەی هۆشبەرەوە دەستگیرکراون.

ڕاگەیێنراوی فەرمی: دەزگای ئاسایشی نیشتیمانیی عێراق بڵاویكردەوە: بە هاوکاری لەگەڵ بەرێوەبەرایەتی بەڕەنگاربوونەوەی ماددە هۆشبەرەکانی هەولێر، دەزگای ئاسایشی نیشتمانیی عێراق، باندێكی نێودەوڵەتی بازرگانی بە ماددەی هۆشبەری لە هەولێر دەستگیركرد.

زانیاریی زیاتر: دەزگای ئاسایشی نیشتمانیی عێراق ئاماژەی بەوەش كردووە، ئۆپەراسیۆنەکە لەسەر بنەمای زانیاریی نهێنی و وردی بەرێوەبەرایەتی بەڕەنگاربوونەوەی ماددە هۆشبەرەکان لە هەولێر کراوە، لەئەنجامدا سنووری كاری ئەو باندە دەستنیشانكراوە، كە پەیوەندییان بەتۆڕێكی قەجاخچی نێودەوڵەتییەوە هەیە بۆ بازرگانیكردن و بڵاوكردنەوەی ماددەی ماریجوانای هۆشبەر.