قەتەر هەوڵی کڕینەوەی پشکی ڕۆسنەفت لە ئەڵمانیا دەدات

ئاڤا نیوز

 

کۆمپانیای ڕۆسنەفت لەلایەن ڕووسیاوە خاوەندارێتی دەکرێت و قەتەر هەوڵی کڕینەوەی پشکی کۆمپانیاکە لە ئەڵمانیا دەدات.

 

زانیاریی بەدەستهاتوو: چەند سەرچاوەیەکی ئاگادار بۆ ئاژانسی بلومبێرگ ئاشکرایان کردووە، لەم چەند هەفتەی دوایدا، شاندێکی قەتەری لە بەرلین بوون، تاوتوێی کڕینەوەی پشکی کۆمپانیای ڕۆسنەفتیان لە حکومەتی ئەڵمانیا کردووە. 

 

زانیاریی زیاتر: ئەو سەرچاوانە ئاماژەیان بەوەداوە، بەئەگەری زۆرەوە حکومەتی ئەڵمانیا رەزامەندیی لەسەر فرۆشتنی پشکەکان دەدات، لەو بارەیەوە بلومبێرگ پەیوەندی بە کۆمپانیای ڕۆسنەفتەوە کرد، بەڵام وەڵامی نەبووە.

 

ئەمەش بزانە: لەبارەی ئەم پرسەوە حکومەتی قەتەر وەڵامی نەبووە، وەزارەتی ئابووری ئەڵمانیا ئاماژەی بەوەداوە، تاوەکو ئێستا بڕیاری کۆتایی نەداوە.. 

 

باکگراوند: نزیکەی دوو ساڵە ناکۆکی یاسایی لەسەر خاوەندارێتیی ڕۆسنەفتی ئەڵمانیا بەردەوامە، بە تایبەت لە دوای جەنگی ڕووسیا و ئۆکرانیا و دروستبوونی قەیرانی وزەی جیهانی.