عێراق تەنیا حەوت هێلیکۆپتەری لە ئەمریکا وەرگرتووە

ئاڤا نیوز

 

شانەی ڕاگەیاندنی ئەمنیی عێراق ئاشكراي كرد، عێراق حەوت هێلیکۆپتەری لە ڕێککەوتنەکەی ئەم دواییەی لەگەڵ ئەمریكا وەرگرت، بڕیارە ئەوەی ماوەتەوە لە داهاتوویەكی نزیكدا ڕەوانە بكرێت.

 

ڕێككه‌وتنكه‌ به‌م شێوه‌یه‌یه‌: لە سەردانەکەی ئەم دواییەی محەممەد شیاع سوودانی، سەرۆکوەزیرانی عێراق بۆ واشنتن لە 13-4- 2024، ڕێککەوتنێکی لەگەڵ ئەمریکا واژۆکرد بۆ کڕینی 41 هێلیکۆپتەری جۆری بێڵ.

 

لێدوانی فەرمی: لیوا تەحسین خەفاجی، سەرۆکی شانەی ڕاگەیاندنی ئەمنیی عێراق ڕایگەیاند: ئەم گرێبەستە زۆر گرنگە بۆ هێزی ئاسمانی سوپای عێراق، چونكە چەند جۆرێک فڕۆكە لەخۆدەگرێت، بەشێكیان بۆ مەشق و ڕاهێنان و بەشێكی دیكەیان بۆ پاڵپشتیکردنی ئۆپەراسیۆنە زەمینییەکان بەكاردێت.

 

زانیاریی زیاتر: خەفاجی ئاماژەی بەوەش کرد، تاوەکو ئێستا عێراق لە كۆی 41 فرۆكە حەوتی بەدەست گەیشتووە، كە بۆ ئۆپەراسیۆنی جۆراوجۆر بەکاردەهێنرێن، چاوەڕوان دەكرێت ئەوانی دیكەش بەم نزیكانە ڕەوانەی عێراق بكرێن.