ئۆکراینا: مەنگۆلیا دەبێت پووتین دەستگیر بکات

ئاڤا نیوز  

پووتین بە بۆنەی 85 ساڵەی شەڕی نێوان ژاپۆن و هێزەکانی سۆڤیەت و مەنگۆلیا، ڕۆژی 2024-09-03 دەگاتە مەنگۆلیا، ئەمەش یەکەم گەشتە بۆ لای ئەندامێکی دادگەی نێودەوڵەتی تاوانەکان.

وێنە گەورەکە: دادگەی تاوانە نێودەوڵەتییەکانی لاهای فەرمانی دەستگیرکردنی پووتینی بەهۆی دیپۆرتکردنەوەی نایاسایی منداڵانی ئۆکراینا لە مانگی ئازاری 2023 دەرکرد. 

ڕاگەیێنراوی فەرمی: وەزارەتی دەرەوەی ئۆکراینا ڕۆژی 2024-08-30، داوا لە مەنگۆلیا دەکات ڤلادیمێر پووتین، سەرۆکی ڕووسیا، لە کاتی گەیشتنی بۆ ئەو وڵاتە، بەپێی ئەو فەرمانی دەستگیرکردنەی کە لەلایەن دادگەی تاوانەکانی نێودەوڵەتییەوە دەرچووە دەستگیر بکات. 

لە لایەکی دیکەوە: کرێملین لە 2024-08-30، ڕایگەیاند: نیگەران نین لەوەی مەنگۆلیا بتوانێت ڤلادیمێر پووتین دەستگیر بکات. 

ئەوەی پێویستە بزانیت: مەنگۆلیا لە ساڵی 2000ەوە بوو بە ئەندامی دادگەی نێودەوڵەتی تاوانەکان.

ئەوەی پێشبینی دەكرێت: بەپێی یاساکان، چاوەڕوان دەکرێت ئەگەر پووتین پێی بخاتە سەر خاکی هەر ئەندامێکی دادگەی نێودەوڵەتیی تاوانەکان ئەو فەرمانە جێبەجێ بکرێت.