لە هەشت مانگدا زیاتر لە 300 بازرگانی ماددە هۆشبەرەکان دەستگیرکراون

ئاڤا نیوز  

بەڕێوەبەرایەتی گشتی کاروباری ماددە هۆشبەرەکانی سەر بە وەزارەتی ناوخۆی عێراق، دەستگیرکردنی زیاتر لە 300 بازرگانی نێوخۆیی و نێودەوڵەتیی لە سەرەتای ئەمساڵەوە تاوەکو ئێستا ڕاگەیاند.

وێنە گەورەکە: چەندین تۆڕی نێوخۆیی و نێودەوڵەتیی لە عێراق، سەرقاڵی بازرگانیکردنن بە ماددە هۆشبەرەکان، بە جۆرێک عێراق بووەتە ناوەندێک بۆ ساغکردنەوەی ماددە هۆشبەرەکان.

ئەوەی پێویستە بیزانیت: بەپێی ئامارەکانی وەزارەتی ناوخۆی عێراقیش لە حەوت مانگی یەکەمی ئەمساڵدا زیاتر لە هەشت هەزار کەس بە تۆمەتی بازرگانیکردن و مامەڵەکردن بە ماددەی هۆشبەرەوە دەستگیرکراون.

ڕاگەیێنراوی فەرمی: بەڕێوەبەرایەتییەکە لە ڕاگەیەندراوێکدا ئاماژەی بەوەکردووە، "لە سەرەتای ئەمساڵەوە تاوەکو ئەمڕۆ 30ی ئاب، مەفرەزەکانیان توانیویانە 90 بازرگانی ماددەی هۆشبەری نێودەوڵەتی و 221 بازرگانی نێوخۆیی دەستگیر بکەن و سزای لە سێدارەدان یان زیندانی تا هەتایی بۆ ئەو بازرگانانە دەرکراوە.

لە لایەکی دیکەوە: هەر ئەمڕۆ فەرماندەیی پاسەوانی سنووری عێراق، دەستگیرکردنی پێنج کەسی لە پارێزگاکانی بەسرەو واست ڕاگەیاند کە تریاک و کریستاڵیان پێ بووە.