لە پارێزگایەکی عێراق دوو ڕۆژ دەکرێتە پشوو

ئاڤا نیوز

 

ئەنجوومەنی پارێزگای نەجەف بەبۆنەی ڕۆژی وەفاتی پێغەمبەری ئیسلام، دوو ڕۆژ دەکاتە پشووی فەرمی.

 

وێنە گەورەکە: ساڵانە لە ڕۆژی کۆچی دوایی پێغەمبەری ئیسلام محەممەدی کوڕی عەبدوڵڵا (د.خ) چالاکی جیاواز بەڕێوەدەچێت، کە ئەمساڵ ڕۆژی 28ـی کۆچی دەکاتە 1 ی ئەیلوولی 2024 و بەگوێرەی ڕۆژژمێری مەزهەبی سوننەش دەکاتە 2ـی ئەیلوول.

 

ڕاگەیێنراوی فەرمی: نووسینگەی میدیایی سەرۆکی ئەنجوومەنی پارێزگای نەجەف ڕایگەیاند: بەبۆنەی کۆچی پێغەمبەری مەزن ڕۆژی یەکشەممە و دووشەممە 1 و  2ی ئەیلوول پشووی فەرمییە جگە لە بەڕێوەبەرایەتییە خزمەتگوزاری و ئەمنییەکان نەبێت ئەویش بۆ ئەوەی خزمەتی زیارەتکاران بکەن.

 

ئەوەی پێویستە بیزانیت: هەردوو پارێزگای کەربەلا و بەسرە پێشتر بڕیاریان داوە ڕۆژی دووشەممە پشوو بێت بەو بۆنەیەوە.

 

ئەمەش بزانە: ساڵانە زیارەتی ملیۆنی لە نەجەف بەڕێوەدەچێت، ساڵی ڕابردوو نزیکەی پێنج ملیۆن کەس بەشدارییان تێدا کرد، ئەمساڵ لەلایەن موقتەدا سەدر، ڕێبەری ڕەوتی نیشتمانی شیعە بانگەشەی بۆ کراوە و چاوەڕێ دەکرێت ژمارەی زیارەتکارانی ئەمساڵ زیاد بکەت.