بەهۆی وەستانی گەشتەکانی فڕۆکەخانەی بەغدا شەش بەرپرس سڕ دەکرێن

ئاڤا نیوز 

 

لیژنەی لێکۆڵینەوە لە ڕووداوی وەستانی گەشتەکانی فڕۆکەخانەی بەغدا ڕاپۆرتی خۆی بۆ وەزارەتی گواستنەوە بەرزکردەوە، وەزیری گواستنەوەش بڕیاری دا لێپرسینەوە لەگەڵ شەش بەرپرس بکرێت.

 

وێنە گەورەکە: دوێنێ 31-8-2024، بەهۆی بوونی ژمارەیەک گەشتی زۆر و نائاسایی و هەروەها گەشتی پێچەوانە، بەشێک لە گەشتەکانی فڕۆکەخانەی بەغدا وەستان.

 

ڕاگەیێنراوی فەرمی: لیژنەی لێکۆڵینەوەی وەزارەتی گواستنەوە لەسەر ئەو ڕووداوە داوای کردووە هەریەک لە بەڕێوەبەری گشتیی کۆمپانیا هێڵی ئاسمانی عێراق، بەڕێوەبەری بەشی بازرگانی، بەڕێوەبەری بەشی گەشتەکان، بەڕێوەبەری بەشی هونەری و بەرپرسی بەشی کارگێڕیی بازرگانی لە هێڵی ئاسمانی عێراق، لە پۆستەکانیان ڕابگیرێن تا لێکۆڵینەوە لە ڕووداوەکە کۆتایی دێت.

 

زانیاریی زیاتر: ڕەزاق محیبس، وەزیری گواستنەوەی عێراق واژۆی لەسەر داواکاری لیژنەکە کردووە و تا کۆتاییهاتنی لێکۆڵینەوەکانیش یاریدەدەری بەڕێوەبەری گشتی، بەوەکالەت کۆمپانیای هێڵی ئاسمانی عێراق بەڕێوەدەبات.