نەمسا پەنابەرانی ئەفغانی دیپۆرت دەکاتەوە

ئاڤا نیوز

 

بەڕێوەبەرایەتی فیدراڵی پەنابەران و نیشتەجێبوونی نەمسا لەبەر گۆڕانی بواری ئاسایشی ئەم وڵاتە، بە نیازە ئەو پەنابەرە ئەفغانیانە دیپۆرت بکاتەوە کە پێشینەیی تاوانیان هەیە. 

 

وێنە گەورەکە: دوای ئەوەی ئەڵمانیا بڕیاری دا بە دیپۆرتکردنەوەی خەڵکی ئەفغانستان کە پێشینەی تاوانیان هەیە، نەمساش دەیەوێت هەمان کار ئەنجام بدات. 

 

لێدوانی فەرمی: کارل نهامر، ڕاوێژکاری نەمسا، دەلێت: وەزیری ناوخۆی وڵاتەکەمان بۆ ماوەیەکی زۆرە لەگەڵ هاوتا ئەڵمانییەکەی لە گفتوگۆدان بۆ ئەوەی ڕیگا چارەیەک بۆ ناردنەوەی پەنابەرانی سووری و ئەفغانی بدۆزنەوە. 

 

زانیاریی زیاتر: نەمسا پێشتریش پەنابەرانی ئەفغانستانی لە وڵاتەکەی دەرکردووە بەڵام لە ساڵی 2021ەوە تا ئێستا و دوای هاتنە سەرکاری تاڵیبان، هیچ پەنابەرێکی بە شێوەی ڕاستەوخۆ نەناردووەتەوە بۆ ئەو وڵاتە.