ئیمارات ڤاکسینێک دژی ئاوڵەی مەیموون بۆ پێنج وڵاتی ئەفریقی دەنێرێت

ئاڤا نیوز

بۆ ڕووبەڕووبوونەوەی ڤایرۆسی ئاوڵەی مەیموون،  ئیمارات ژمارەیەک فڕۆکەی پڕ لە هاوکاریی تەندروستی بۆ پێنج وڵاتی ئەفریقی دەنێرێت.

وێنە گەورەکە: دوای بڵاوبوونەوەی ڤایرۆسی ئاوەڵەی مەیموون لە وڵاتانی ئەفریقیا، لەسەر ڕاسپاردەی ئەمیری ئیمارات، وەک بەشێک لە هەوڵە مرۆییەکان بۆ پشتیوانیکردنی وڵاتانی دۆست لە ڕووبەڕووبوونەوەی ئاستەنگ و قەیرانەکاندا، ڤاکسینێک دژی ئاوڵەی مەیموون بۆ وڵاتانی ئەفریقا دەنێرێت. 

لێدوانی فەرمی: شێخ شخبوت بن نهیان ئال نهیان، وەزیری دەوڵەتی ئیمارات ڕایگەیاند: "ئەم پاڵپشتییە بەرجەستەکردنی ئەو گرنگییەیە ئیمارات دەیدات بۆ برەودان بە کاری مرۆیی و تەندروستی لەسەر ئاستی جیهاندا، هاوکات پابەندبوونی بەردەوامی خۆی بۆ پاڵپشتیکردنی وڵاتانی دیکە لەکاتی قەیران و کارەساتەکاندا دووپات دەکاتەوە".

زانیاریی زیاتر: ئیمارات ڤاکسینەکە بۆ هەریەکە لە کۆماری دیموکراتی کۆنگۆ، نایجیریا، ئەفریقای باشوور، کۆتدیڤوار و کامیرۆن دەنێرێت، بەڵام ئاماژەی بە جۆری ڤاکسینەکە نەکردووە.

 

ئەوەش بزانە: تاوەکو ئێستا بەفەرمی ڤاکسینی ئاوڵەی مەیموون نەدۆزراوەتەوە، بەشێک لە وڵاتانی جیهان ڤاكسینی كۆرۆنا بۆ لاوازكردنی ڤایرۆسی ئاوڵەی مەیموون بەکاردەهێنرێت،  بەڵام ڕێکخراوی تەندروستیی جیهانی دانی بە ڤاكسینەكەدا نەناوە.