پانێڵی 'دکتۆر مستەفا زەڵمی تاڤگەی بیر و چرای زانست' لە خورماڵ بەڕێوەدەچێت

ئاڤا نیوز

 

وێنە گەورە: دامەزراوەی کەریمی عەلەکە، بۆ ڕێزگرتن لە بیر و زانستی 'دکتۆر مستەفا زەڵمی' ئێوارە پانێڵێک بەڕێوەدەبات.

 

لێدوانی فەرمی: شاخەوان سدیق سەرپەرشتیاری دامەزراوەی کەریمی عەلەکە بە ئاڤا نیوزی ڕاگەیاند، "ئەمە ڕێزلێنانی دامەزراوەی کەریمی عەلەکەیە لە پای ئەو خزمەتە زۆرەی لە بوارەکانی یاسا و شەریعەتدا کردوونی، دیدارەکە لە خورماڵ بەڕێوەدەبین، چونکە خورماڵ زێدی مستەفا زەڵمییە و گۆڕەکەشی هەر لەوێیە.

 

زانیاری زیاتر: لە پانێڵەکەدا سێ توێژینەوە دەربارەی ئەزموون و کاری مستەفا زەڵمی دەخرێنەڕوو بە بەشداری کەسانی پسپۆڕ و توێژەر و ئیسلامیناس.

 

ئەمەش بزانە: هەر لە پانێڵەکەدا دامەزراوەی کەریمی عەلەکە، خەڵاتی ڕێزلێنان بە بنەماڵەی دکتۆر مستەفا زەڵمی دەبەخشێت.