ژمارەی بەشداربووانی هەژماری من گەیشتە 120 هەزار مووچەخۆر

ئاڤا نیوز

 

50 هەزار مووچە خۆری دیکە دەتوانن مووچەی مانگی حەوت لەڕێگەی هەژماری من  وەربگرن، ئامێرەکانی ATM لە سلێمانی و دهۆکیش کەوتوونەتە کار و مووچەخۆران دەتوانن مووچەکانیان ڕابکێشن.

وێنە گەورەکە: ئەمڕۆ دووشەممە وەزارەتی دارایی و ئابووری لیستی مووچەی مانگی حەوتی بڵاوکردەوە. سبەی سێشەممە دەست بە دابەشکردنی دەکرێت، ئامێرەکانی ATM لەدوای کاتژمێر 10ـی بەیانی ڕۆژی چوارشەممە دەکەونە کار و مووچەخۆران بە SMS ئاگادار دەکرێنەوە و دەتوانن مووچەکانیان ڕابکێشن.

لێدوانی فەرمی: تیمی هەژماری من بە  ئاڤا نیوزی گوت: 103 هەزار فەرمانبەر و 17 هەزار مووچەخۆری هێزە ئەمنییەکان بۆ مووچەی مانگی حەوت لە هەژماری من تۆمارکراون و دەتوانن مووچەکانیان وەربگرن."

زانیاریی زیاتر: 193 ئامێری ATM لە 63 شوێنی جیاوازی هەرێمی کوردستان دانراوە، بۆ ئەوەی مووچەخۆران بتوانن پارەکانیان ڕابکێشن.

ژمارەکان وادەڵێن: 120 هەزار مووچەخۆر مووچەکانیان خراوەتە سەر هەژمار، بەمشێوەیە بەسەر سێ پارێزگای هەرێمی کوردستان دابەشبوون:
هەولێر: 116 هەزار مووچەخۆر.
سلێمانی: دوو هەزار و 500 مووچەخۆر
دهۆک: هەزار و 500 مووچەخۆر.