ئەمریکا دەست بەسەر 200 پاكێجی سەربازیی ئێراندا دەگرێت

ئاڤا نیوز 

فەرماندەیی ناوەندی ئەمریكا ڕایگەیاند، دەستیان بەسەر چەندین پارچە چەكی پێشكەوتووی ئێرانیدا گرتووە كە بۆ حوسییەكان دەنێردران.

چی ڕوودەدات: كەشتییە گەڕۆكەكانی فەرماندەیی ناوەندی ئەمریكا لە دەریای عەرەب بەردەوام پشكنین بۆ ئەو كەشتی و بەلەمانە دەكەن كە هاتووچۆ دەكەن، لەو پرۆسەیەدا ئەمڕۆ دەستیان بەسەر 200 پاكێجی تایبەتی ئێرانیدا گرتووە.

لێدوانی فەڕمی: فەرماندەی ناوەندی ئەمریكا (سێنتکۆم) ڕایگەیاندووە: "پاکێجەکان پێكهاتبوون لە مووشەكی بالیستیی مامناوەند، كەرەستەی پێویستی سەربازی، دژەتانكی دەریایی و ڕێنیشاندەری مووشەكی ژێردەریایی، ئێران بۆ حووسییەكانی ڕەوانە كردبوو".

مایکل ئیریک کوریلا، فەرماندەی سێنتیکۆم دەڵێت: "ئەمە یەكێكە لە چالاكییەكانی ئێران لە ناوچەکە، كە بەردەوامە لە دابینکردنی چەکی پێشکەوتوو بۆ حوسییەکان، ئەمە پێشێلکردنی ڕاستەوخۆی یاسا نێودەوڵەتییەکانە".