یەکێتیی ئەوروپا چاودێری هەموارکردنەوەی یاسای باری کەسیی لە عێراق دەكات

ئاڤا نیوز

نێردەی یەکێتیی ئەوروپا لە عێراق ڕایگەیاند، لەنزیکەوە چاودێری هەموارکردنەوەی یاسای باری کەسیی دەکات و ئومێدی وایە هەموارەکە لەگەڵ چوارچێوەی یاسای عێراقی و نێودەوڵەتی بگونجێت.

وێنە گەورەکە: ئەمڕۆ پەرلەمانی عێراق خوێندنەوەی دووەم بۆ هەمواری یاسای باری کەسیی دەکات، بەشێک لەلایەنەکان و پەرلەمانتارانیش دژی هەموارەکەن و پێیان وایە ململانێی مەزهەبی زیاتر دەکات و مافی ژنانیش پێشێل دەکات.

ڕاگەیێنراوی فەرمی: نێردەی یەکێتیی ئەوروپا لە عێراق لە پەیامێکدا ڕایگەیاند: یەکێتیی ئەوروپا شیکاریی بۆ ڕەشنووسی هەمواری یاسای باری کەسیی دەکات و بۆ زانینی هەڵوێستی لایەنەکانییش لەسەر ڕەشنووسەکە، لەگەڵ هەموو لایەنە پەیوەندیدارەکان لە پەیوەندی داین.