ئەمساڵ دوو پۆلیس بوونە پاڵەوانی لەشجوانیی کوردستان

ئاڤا نیوز

 

پاڵەوانیی لەشجوانی کوردستان کە هەفتەی ڕابردوو لە ئیدارەی سەربەخۆی سۆران بەڕێوەچوو، دوو لە پاڵەوانەکان کارمەندی پۆلیسن.

 

وێنە گەورەکە: چەند ساڵێکە وەرزشی لەشجوانی لە هەرێمی کوردستان خواستی زۆری لەسەرە و سەدان هۆڵی پێشکەوتوو بۆ ڕاهێنان کراونەتەوە.

 

لێدوانی فەرمی: شێروان شێرزاد، پاڵەوانی لەشجوانی کوردستان کە ڕێپێدراوی پلە شەشی بەڕێوەبەرایەتی گشتی هاوتوچۆی هەولێرە بە ئاڤا نیوزی گوت: لە کێشی 80 کیلۆگرامی یەکەم بووم، دواتر لە کۆی هەموو یەکەمەکانی پاڵەوانیەتیەکە جارێکی دیکە یەکەم بووم، بڕیارە 16 ی مانگ لە تورکیا بەشداری پاڵەوانیەتیی لەشجوانی جیهانی NPC بکەم.

 

لەلایەکی دیکەوە: لە هەمان پاڵەوانیەتی کارمەندێکی پۆلیسی چالاکیە مەدەنییەکانی زاخۆ بەناوی محەممەد عەبدولخاڵق، لەهەردوو بەشی (Body Building) و (Body Classic) یەکەم بووە.