هەرێمی کوردستان بەشە برنجی ئەم مانگە بۆ بەغدا دەنێرێتەوە

ئاڤا نیوز

 

لەبەشە خۆراکی ئەم مانگەی هاووڵاتیان برنجی کوالێتی خراپ دابەشکراوە و وەزارەتی بازرگانیش ڕوونکردنەوە دەدات.

 

زانیاریی بەدەستهاتوو: بەشێکی زۆر لە هاووڵاتیان دوای وەرگرتنی بەشە خۆراکی ئەم مانگەیان، گلەیان هەبووە لەو برنجەی کە وەریانگرتووە و دەڵێن بۆنێکی ناخۆشی هەیە، جۆری ئەو برنجەی دابەشکراوە ئۆرۆگواییە و لەلایەن وەزارەتی بازرگانیی عێراقەوە دابین كراوە.

 

لێدوانی فەرمی: نەوزاد شێخ كامیل، بەڕێوەبەری گشتیی بازرگانیی هەرێمی كوردستان بە ئاڤا نیوزی ڕاگەیاند: دوای ئەوەی دەستمانکرد بە دابەشکردنی برنجەکە، دواتر زانیمان كە بۆنێكی ناخۆشی هەیە، هەرچەندە لە چەندین شوێن دابەش كرابوو بەڵام ئەوەی توانیمان كۆمانكردەوە و بۆ بەغدامان ناردووەتەوە و چاوەڕێی ناردنی برنجی دیكەین.

 

هۆكارە زانراوەكان: هۆكاری ئەو بۆنە ناخۆشە دەگەڕێتەوە بۆ ئەوەی بەشێوازی ناتەندروست کۆگاکراوە و شوێنی گەرم و شیاو نەبووە لە بەغدا.

 

زانیاریی زیاتر: نەوزاد شێخ كامیل ڕاشیگەیاند: پشكنینمان بۆ نموونەی ئەو برنجە بۆن ناخۆشە كردووە و بۆمان دەركەوتووە كە هیچ زیانێكی بۆ تەندروستیی مرۆڤ نییە بەڵام بەگشتی خەڵک لەگەڵ بۆنەكەی ڕانەهاتووە.