هەولێر و بەغدا ڕێککەوتوون لەسەر یەکخستنەوەی باج

ئاڤا نیوز

 

بەڕێوەبەری گشتیی باجەکان لە هەرێمی کوردستان ڕایگەیاند، لەگەڵ ناوەند بۆ یەکخستنەوەی باجەکان ڕێککەوتن کراوە.

 

وێنە گەورەکە: بەگوێرەی ڕێککەوتنێکی 15 خاڵی لە نێوان هەردوو حکومەتی هەرێمی کوردستان و عێراق ژمارەیەک خاڵ دەچنە بواری جێبەجێکردنەوە کە یەکێک لەوانە پرسی ڕێکخستنەوەی باجە لە نێوان هەردوو حکومەت، هاوکات بەپێی ڕاگیێنراوی فەرمی نووسینگەی پەرلەمانی عێراق، ڕۆژی 3-9-2024، لیژنەی دارایی و سەرۆکی دەستەی گشتیی باجەکان و سەرۆکی دەستەی گشتیی گومرگ کۆبوونەوە.

 

لێدوانی فەرمی: کەمال وەرتی، بەڕێوەبەری گشتیی باجەکان لە هەرێمی کوردستان بە ئاڤا نیوزی ڕاگەیاند: لەسەر هاوتاکردنی سەرجەم باجەکان لەگەڵ بەغدا ڕێککەوتووین.

 

زانیاریی زیاتر: بەشێک لە باجەکانی هەرێمی کوردستان بۆ هاوتاکردنیان لەگەڵ باجی عێراق، پێویستی بە هەموارکردنەوەی یاساکانی پەیوەست بە باج لە پەرلەمانی کوردستانەوە هەیە، چونکە بەگوێرەی یاسا ڕێکخراون.