دەست بە دابەشکردنی شایستەی دارایی وانەبێژان دەکرێت

ئاڤا نیوز

 

هەرچەندە بڕیاربوو هەفتەی داهاتوو شایستەی دارایی مانگی پێنجی وانەبێژان دابەش بکرێت، بەڵام وادەکەی پێشخرا و ئەمڕۆ دەست بە دابەشکردنی دەکرێت.

لێدوانی فەرمی: عومەر عەلی، بەڕێوەبەری گشتیی پەروەردەی دهۆک بە ئاڤا نیوزی گوت، "ئەمڕۆ چوارشەممە دەست بە دابەشکردنی شایستە داراییەکانی وانەبێژان دەکرێت لە سنووری بەڕێوەبەرایەتیی پەروەردەکانی سلێمانی و دهۆک".

زانیاریی زیاتر: ئاڤا نیوز زانیویەتی لە سنووری پەروەردەی هەولێر و دەوروبەری سبەی دەست بە دابەشکردنی دەکرێت.

ئەوەی پێویستە بیزانیت: ژمارەی مامۆستایانی وانەبێژ 38 هەزارە و بڕی 13ملیار و 700 ملیۆن دیناریان لە داهاتی ناوخۆی هەرێمی کوردستان بۆ تەرخان کراوە، هەر یەکێکیان بەپێی بڕوانامەکانیان  لەنێوان 200 تا 400 هەزار دینار وەردەگرن.