کەسێک بەناوی دامەزراندن سەدان ملیۆن دینار لە هاونیشتمانیان وەردەگرێت

ئاڤا نیوز  

 

پۆلیسی سلێمانی دەستگیرکردنی تۆمەتبارێکی ڕاگەیاند، بە بیانووی دامەزراندن سەدان ملیۆن دیناری لە کۆمەڵێک هاونیشتمانی وەرگرتووە.

چیرۆکی سەرەکی: لەماوەی ڕابردوودا، چەند هاونیشتمانییەک لە چوار بنکەی پۆلیسی سلێمانی سکاڵایان کردووە، کەسێک بەناوی دامەزراندن پارەی لێ وەرگرتوون.

ڕاگەیێنراوی فەرمی: پۆلیسی سلێمانی دەستگیرکردنی تۆمەتبارێکی تەمەن 39 ساڵی ڕاگەیاند، تۆمەتبارە بەوەی بەناوی دامەزراندنەوە 350 ملیۆن دیناری لە هاونیشتمانیان وەرگرتووە و چەندین سکاڵای لەسەر بووە، پۆلیسی بنکەی چوارچرا لە سلێمانی دەستگیریان کردووە.

زانیاریی زیاتر: ئەو تۆمەتبارە ناوی ( ب، ج، ر) فەرمانی دەستگیرکردنی لەهەریەکە لە بنکەکانی پۆلیسی (بەكرەجۆ، سەرا، ئەزمەر و هەواری شار ) هەبووە.