چوار مۆڵگەی تیرۆریستانی داعش لە داقووق لەنێوبران

ئاڤا نیوز  

لە ئۆپەراسیۆنێکدا لە سنووری ناحیەی لەیلان لە قەزای داقووق، چوار مۆڵگەی تیرۆریستانی داعش لەنێو بران.

ڕاگەیێنراوی فەرمی: بەڕێوەبەرایەتیی گشتیی ئۆپەراسیۆنەکانی ئاسایش ڕایگەیاند: ئۆپەراسیۆنەکە ئەمڕۆ چوارشەممە4-9-2024 لە چیای جەبەل بۆر، بەهەماهەنگیی بەڕێوەبەرایەتیی هەواڵگریی سەربازیی سوپای عێراق کراوە.

زانیاریی زیاتر: لەو چوار مۆڵگە و حەشارگەیە، تیرۆریستان پارچە چەک و تەقەمەنی و تی ئێن تی و ئامێری پەیوەندیکردنی بێتەل و جلوبەرگی سەربازی و خۆراکیان تێدا حەشار دابوو.

وێنە گەورەکە: چەکدارانی داعش بۆشایی ئەمنیی نێوان هێزی پێشمەرگە و سوپای عێراقیان لەناوچەکانی دەرەوەی ئیدارەی هەرێمی کوردستان قۆستووەتەوە و ناوبەناو جموجوڵ دەکەن.